Sunday, August 29, 2010

David Rudisha doen dit weer!!!


Verlede week ek het gepraat van die nuwe vraag in die 800m van hoe vinnig 'n mens dit kan hardloop & is die sub 1:40 moontlik?

Wel, ons het dit skaars begin vra & daar gaan & verbeter David Rudisha sy eie 800m wêreld rekord skaars 'n week nadat hy dit verbeter het!
Vir 13 jaar kon niemand die rekord breek nie & hier doen hy dit nou skaars 'n week uit mekaar uit! En nou lyk daai sub 1:40 glad nie meer onmoontlik nie!

Dis vir my ongelooflik lekker om die verbeterings te sien! Dit beteken dat die middelafstande oppad is na hoogtes wat lanklaas beleef is! Vir al die jare is dit nog altyd lekker om 'n 800/1500m te kan kyk waar klas atlete hardloop! En dit bly maar vir my die mooiste item by 'n byeenkoms, want dit is waar spoed, krag & stamina bymekaar kom om die beste atlete te vorm!

So nou staan die rekord op 1:41;01 & daai 1:40 merk kom al hoe nader! Soos wat hy nou aangaan kan ons almal dalk binnekort deel wees van die onmoontlikke wat gebreek gaan word!

Ek persoonlik, kan nie wag om dit te sien nie!

Tuesday, August 24, 2010

Wêreld 800m rekord

Na 13 jaar kom daar weer 'n Keniaan en verbeter Wilson Kipketer se 800m rekord!

Ek het na die race gekyk & WOW!! Ek kan nie regtig beskryf hoe ongelooflik dit was nie! Om 'n eerste lap van sub 49sek. te hardloop & dan 'n tweede lap van sub 53sek., dis ongelooflik!
David Rudisha het seker die race van sy lewe gehardloop! Maar terwyl ek gekyk het na hom op die laaste 200m, het ek besef, een van die dae gaan die manne onder 1:40 hardloop op die 800m. 'n Wêreld rekord wat tans staan op 1:41;09min gaan nou weer die manne laat praat van hoe vinnig 'n persoon regtig kan hardloop? Wat is menslik moontlik!?

Maar dis waar die wonderbaarlikke ding van die mens inkom wat God geskape het! Net as ons dink dis die punt, dan kom daar 'n persoon wat hom verby die "menslikke" standaard druk & almal verkeerd bewys!

So, waar gaan ons eindig? Kom ons wag en sien! Want dit gaan lekker wees!

P.s - Baie dankie aan al die koerante en t.v kanale wat dit uitgesaai & geplaas het hier in Suid-Afrika! Sonder julle, .... Sorry, julle het NIKS gedoen nie!!!

Friday, July 30, 2010

Goeie Afskop

Is dit nou nie 'n goeie begin tot die Afrika Atletiek Kampioenskappe nie!!

6 medaljes in die eerste 2 dae waarvan 3 in die gewigstoot en een in die 100m is! Moet sê, eks nogals regtig bly vir die brons in die 100m! En ons drie manne wat al die medaljes in die gewigstoot opgeraap het, wow!!

Nou, oor die naweek is die een item waarna ek baie uitsien. Die 1500m vir mans waar ons drie atlete in het met ongelooflikke baie potensiaal! Sal dit nie wonderlik wees as al drie van hulle kan deur gaan na die finaal toe nie & dan nog vir ons 'n medalje of 2 daar loshardloop!

En dan die stukkie teleurstelling, dit was vir my hartseer toe ek hoor dat Malaudzi nie eers weggespring het in die 800m Semi-Finaal nie! Maar aan die ander kant, 'n medalje op die Commenwealth Games gaan mos baie meer beteken as 'n African-Champs medalje. So, kyk mooi na daai seer hamstring & kry hom reg vir die Commenwealth Games, ons wil weer die Goud daar vat!

Ek kry net so 'n gevoel dat ons weer die land met die meeste medaljes gaan wees na die African Champs. Daar is nog so baie wêreldklas atlete van ons wat moet deelneem, dat ek nie anders as om so 'n ligte glimlaggie op my gesig te kry met die hoop van nog 'n hele paar goud & ander medaljes nie!

Aan almal van julle daar, baie sterkte! Ons hou vir julle styf duim vas hier aan die onderpunt van Afrika!

Gaan hou ons naam HOOG!

Tuesday, July 13, 2010

So waar lê die probleem?

Waar lê atletiek se probleem nou regtig?

Is dit die top bestuur wat nie 'n idee het wat aangaan nie, of is dit ons atlete wat baie keer op groot byeenkomste nie presteer nie? Is dit ons afrigters wat nie reg afrig nie of is dit die atlete wat nie bereid is om daai bietjie ekstra in te sit nie?

Wat gaan aan en waar is die fout???

Ek dink ons het die afrigters, ons het die atlete & al maak van die top bestuur foutte is hulle ook nie die groot skuld vir atletiek se probleme nie!

Dis my opinie & julle mag dalk saam stem of nie, maar atletiek se grootste probleem lê op skool vlak!

Atletiek is 'n sport met opofferings & harde werk! En dis waarvoor die skole nie meer kans sien nie! Dis baie maklikker om n rugby- of krieketwedstryd te reël as om iets vir atletiek te doen!
Waar sien jy dat die rugby spanne al in Februarie begin oefen as die atletiek seisoen skaars aan die gang is & hoekom het party laerskole slegs 3 byeenkomste???!!!

Ons skeep atletiek op skoolvlak geheel en al af, & dis daar wat ons baie talent verloor!! Ons kort mense wat weer bereid is om hard te werk vir 'n mooi sport! Maar, as die mense daar is, gaan die skole bereid wees om hulle te help? Daar is nooit geld vir atletiek of landloop nie, maar daar sal altyd plan gemaak word vir rugby of van die ander sportsoortte!

Die mees basiese, mooiste sport word afgeskeep deur die persone wat veronderstel is om dit by kinders te leer & 'n liefde vir dit te skep! Jy het nie duisende rande se toerusting nodig nie, al wat jy nodig het is 'n stukkie veld of net die teerpad wat voor jou huis verbyloop!

Dis die lekkerste gevoel as jy besig is om te hardloop! Die wind & son op jou vel, jy voel jou hele liggaam wat werk, jy kry kans om jou kop weer skoon te kry & grootliks, jy begin weer voel soos 'n mens, soos 'n spesiale persoon wat deur God geskape is!!

Kom ons kry dit terug in die skole, ASSEBLIEF!

Monday, July 12, 2010

Die hartseer saam met die lekker!

Wat 'n goeie naweek vir ons middelafstand atlete!!

3 van ons mans (Juan van Deventer, Johan Cronje & Pieter van der Westhuizen) hardloop 'n 3:35 in die 1500m & Rene Kalmer hardloop haar seisoen beste 4:07!

Dis mos lekker om te sien & dit net voor die Afrika Kampioenskappe! En voor ek vergeet, baie geluk julle 4 & die res van die atlete wat in die Span is om ons land te gaan verteenwoordig daar!

Gee 'n mens sommer baie hoop dat julle die res van Afrika 'n "go" gaan gee in die ietems!

En dan kom die hartseer, teleurstelling & woedde!! Weereens, te danke aan ASA!!

Hoe kies julle 'n Junior span, maar los van die beste Juniors (in die wêreld) daar uit???

Rynardt van Rensburg (800m), Shaun van Wyk (400m hekkies) en Rikenette Steenkamp (100m hekkies) is maar net 3 van hulle wat uit die span gelaat is! En as ek dit reg het is Rikenette nie ons JUNIOR, SENIOR EN SKOLE KAMPIOEN in die hekkies nie & het sy nie al die kwalifiseerende vereistes voldoen nie?? En dit sluit vir Rynardt & Shaun in!
Hulle hardloop die kwalifiseerende vereistes & dan op een of ander wonderbaarlikke manier is hulle nie meer goed genoeg vir die span nie!
Want ASA besluit hulle moet in Junie weer die kwalifiseerende vereistes hardloop, wat verstaanbaar is! Jy wil tog kyk of die atlete op die regte standaard is voor die Wêreld Juniors! Maar .....

As jy so iets vereis, is jy (ASA) nie veronderstel om die byeenkomste te reël & te sorg dat alles die nodige vereistes voldoen sodat die atlete hulle bes kan doen nie?
Nou vir wat is daai byeenkomste so swak georganiseer dat daar slegs 2 atlete by sekere items opgedaag het (daar moet ten minste 3 atlete per item wees vir 'n geldigge wedloop)?
En dan is daar ook vergeet om windmeterlesings te doen!! Ek dink julle is besig om ons talentvolle Juniors rond te neuk!!

Hoe gaan ons junior atlete verbeter as hulle nie die geleentheid en blootstelling gegun word om op wêreld klas deel te neem nie?

Ag jammer, ek het dit weer vergeet! Daai atlete kan nie in die span gesit word nie, want anders kan julle nie julle familielede & vriende saam vat nie!!

Nou praat 'n paar van die atlete klaar om atletiek te los & eerder 'n ander sport te doen!!

Dis die toekoms van ons atletiek! Hoekom doen ons dit aan ons JUNIORS???

P.S - Caster het verlede week haar fiksheids toets gedop! Sy het 'n 95 sekondes op 'n 600m gehardloop, wat haar in staat sal stel om 'n 2:07 min op 'n 800m te hardloop. Moet sê, dis 'n baie realistiese tyd vir 'n o/19 meisie!

Wednesday, July 7, 2010

So, die besluit is gemaak! Maar was dit reg?

Ek het verlede jaar & selfs die jaar baie te sê gehad oor Caster Semenya. Oor haar stem, tot die manier op wat sy gebou is & loop.
Ek dink nie dat ek die enigste een is wat nog 'n bietjie twyfel het oor alles nie! Maar met die gesprekke wat ek met persone gehad het die afgelope tyd, het ek 'n bietjie begin dink aan Caster, nie die atleet nie, maar die persoon.
Maar voor ek by dit kom ....

Het IAAF die regte besluit gemaak om die uitslag van die toetse nie bekend te stel nie? Los dit nie nou nog meer vrae as antwoorde nie? En is dit nie nou nog 'n slegte merkie agter ATLETIEK se naam nie?

Ek het so vinnig op die internet gaan rondlees oor wat 'n paar lande se koerante te sê het na IAAF se aankondiging gister. "And its not a pretty sight!"
Hulle praat klaar daarvan om haar wedlope te "boycott"!

Maar wat gaan dit aan haar as persoon doen? Om weer te mag hardloop is een van haar grootste drome wat waar word. Maar wat help dit om weer te kan doen waarvoor jy lief is as jy agteraf sleg gesê & afgekraak word, waar mense dreig om jou wedlope te boycott! Maak nie saak wie of wat jy is nie, maar so iets het 'n inpak op jou siel, of jy dit wil erken of nie!
As daar iets in daai toetse was wat verkeerd is (??!!), sou dit nie beter gewees het om dit te erken & te sê dat sy wel behandeling vir dit ontvang, as om als net stil te hou nie?

Daar was baie foutte gemaak met die hantering van Caster se saak, maar nou los dit my nog met 'n vraag of twee:

Die besluitte wat gemaak was, was dit politieke besluitte? Kom ek ret my eie gat besluitte? Of is die besluitte gemaak om 'n onskuldige persoon te help wat nie kon keer wat met haar liggaam gebeur het nie?

Sy het nie verbode middels gebruik of doelbewus gaan verneuk nie! Sy wou net doen waarvoor sy & baie van ons lief is, & dit is om te kan hardloop. Ek het nooit gedink ek gaan dit sê nie, maar kyk na Caster vir die persoon wat sy is (met al die baie vra wat ek & baie van julle nog oor haar het)!

En kom ons hoop dat die regte besluite gemaak was, vir haar as persoon & vir ATLETIEK!!

Tuesday, July 6, 2010

So wie is hulle?

Dis vir my nogals baie hartseer! Jy staan en gesêls met mense en praat oor atletiek. Jy begin name opnoem van die atlete & hulle het nie 'n clue van wie jy praat nie!

Jy praat oor van ons land se middel/lang afstand atlete & die mense kyk na jou asof jy nou in 'n ander taal begin praat. Jy noem name soos Juan van Deeventer, Johan Cronje, Pieter van der Westhuizen, Rene Kalmer, Irvette van Blerk & hulle het nie 'n idee van wie jy praat nie!

Die sportsoort in wat 'n mens die hartste moet werk, jy alleen! Jy het nie die gerief van 'n plaasvervanger wat jou plek kan kom inneem tydens 'n besering & nogsteeds die "Super14" wen nie. As daar iets met jou gebeur, 'n besering, jy word siek, of enige iets anders, is jou wedloop, jou kans, weg!
Waarom het ons dit begin mis kyk?

Die mense gaan sit langs die rugbyveld & kyk hoe oefen die span, ry kilometers vêr om te kyk hoe slaan, skop, vang hulle 'n bal & almal dink "Wow, kyk hoe hard oefen hulle!"
Maar net anderkant die pad, op 'n alleen atletiekbaan, sit ons Olimpiese sterre & oefen dat hulle langs die baan neerval. Hulle spandeer ure op die pad, vroegoggend in die donker, is hulle al aan die werk & as jy verby hulle ry, erken ons nie eers van die wêreld se bestes nie!

Die atlete sal verstaan, die afrigters wat in die koue staan om die beste uit die atleet te kry, sal verstaan, maar vir die ander is dit net nog 'n mal persoon wat om 'n baan hardloop!

Waar is daai dae van Atletiek Toetse teen Amerika, Australie, teen van die groot name in die wêreld? Waar atletiek stadions vol gepak is met die hele gesin wat kom kyk? Waar jy verby 'n atleet stap en sê, "Kyk, dis Johan Fourie!"

As jy eendag 'n kansie kry, ry 'n bietjie na 'n atletiekbaan toe. Gaan sit daar langs die baan & kyk hoe die atlete oefen! Kyk na die krag, die passie, die talent van elkeen! Eintlik, sit net daar & besef, jy is besig om na die oudste sportsoort in die geskiedenis van die wêreld te kyk! En miskien, net dalk, kry jy so 'n hoedervleis gevoel, & jy besef ......

WOW, hoe kon ons dit vergeet!!!!